其實有呢D騷，絕對係好事，有一個社區支持一班人做呢件事，更加係難能可貴，亦明白要做好一個咁嘅活動，亦不是一件易事，天時地利人力財力體力缺一不可，仲記得上年五分鐘之內由風和日麗變左狂風雷暴，走避不及所有器材濕晒，見到觀眾一年比一年多，其實都幾開心．
不過作為主辦單位，有心之餘，當然亦要有力，講嘅唔係體力，而係能力，要明白樂隊們每日埋頭苦幹，都係想造好佢地嘅音樂，寫好一隻歌，要填最吻合嘅歌詞，歌詞填好了，跟住仲有無數小時嘅練習，都係希望到出騷嘅時候可以令大家鍾意佢地嘅音樂． 去到玩騷，無flowback monitor，鼓monitor剩係得吉他聲，仲要時大時細，Bass drum鼓皮係穿嘅，四支mic有兩支係壞，講真又真係有D過份． 既然知道本身器材不足，點解唔試下搵多d support？ 唔係話要做到好似九展紅館咁先叫好，但係如果連一個騷嘅基本要求都達唔到，只會令到觀眾們覺得樂隊們不夠水準，下年再搞，叫座力亦同樣大減，參加過嘅樂隊，亦會覺得唔好玩而唔會再參加，再落去亦只會係惡性循環． 何苦呢?
沒有留言:
張貼留言